Fast olle Kräuter werdn vo mir selba obaut aus bio-saatgut und bio-erde  des hoast:

seba ausgsaat, woarm aufgstellt, pikiert, in Töpf eipflanzt, wieda woarm aufgstellt, gossn, gossn und wieda gossn, mindastns a holbats Johr, gschaut das koane Läus net dro san, umgstellt wous nimma so woarm is, so dann abgschnittn, oder ausgrabn und gwoschn, aussortiert, trickart, hergschnittn, hergrieblt und kloar gmacht, in Glasl und Rogln eigfullt und eiglagert, dann bewusst gmischt, energetisiert und in Reagenzglasl eigfullt.

Waldweihrauch  - i glaub i steh im Wiod

Stell dir vor du liegst aufn Moos im Woid.

Rundum die harzign Bama.

Fichtn, Kiefan, Lerchan und Tannabam.

Stad is.

Ja tuat des guard.

Körpa und Seele entgiftn und desinfiziern.

A Wonne des zum gspürn.

Frisch, kraftvoll und machtvoll wia a Bam.

Schutz und Reinigung oder Rauhnachtsmischung

Ausputzn

Saubamocha

von dein Dahoam und von dir selba.

Ois ause wos nix daugt.

S´liacht einebringa,

sich wieda wohlfuin kina.

Frei und rein

soll dei Haus, die Seele und dei Körpa sein.

Seelensonne

Mei so a Duft.

De Seele voll Sonne.

Des is a Wonne.

Des tuat so guat.

Verbind de mit den Seelenkräuta

vom sonnigen Suma, 

dann kimmst wieda weida,

aussa von de Gedankn de dir nix bringand.

Etza segst wieda a hells Liacht.

Erden und Verwurzeln

Stell dir vor du bist wia a Bam.

Stehst da so kraftvoll und fest vowurzlt.

Die Erde, sie gibt dir a Kraft und Energie.

Egal wia da Wind geht her oda hie.

Gleich wos kummt, nix konn dir o.

Spannungslöser

Tausend Computer und sonstiges Zeug

alles strahlt aus

drum schick de Strahlung 

aus deim Haus.

Alles entspannt si 

auch zwischen de Menschn.

Früa hams des sogoar genga Gwitta hergnomma

zu dem kimma a mir wida zruckkemma.

Liebe und Selbstliebe

Ja wennst di scho net selba magst,

wia soll di ja dann a andara ming.

Drum tua dir wos guards,

lass wirka auf dei Gmiad

und du finst wieda

zu dir und zum andarn

dei Liab.

Geniess des Siasse in deim Lebn.

Gute Konzentration

An Geist erfrischen.

A freia Kopf und klare Gedankn

und du kimmst nimma so ins wanken.

Erfrisch da deine Sinne dei Gmiad 

und du bist a nimma so miad.

A hella Geist 

dir denn richtign Weg dann weist.

Steh wieda richtig in deine Mittn.

Schlaf guad

Da legst di nieda  

uih tuat des guard.

zuar Ruah dann kemma 

frei und entspannt sa  

dann konnst wieda schlafa

Wintermischung

Winta is , koid is.

Jetzt tuat des guad wenns riacht nach 

warme Gwürza und Christkindlmoarkt.

Gwürza und Kräuta die a ganz Jahr 

Sonne gpeichert ham,

erhelln dei Lebn und dei Dahoam.